.gif "مراقب على جميع المنتديات")
من طرف طبعا
كلكم جهزتوا ل لقاءات مصر والجزاير من قبل يوم 14/11..وطبعا فيكم اللى حجز تذاكر
فى استاد القاهرة..ومنكم اللى هيص فى الشارع قبل مباراة يوم السبت ع طووول ..ومنكم
اللى نزل يشوف المتش مع اصحابة....
وابتدت
المباراة بهدف جميل من عمرو زكى..وبعدها مجاش اجوان تانى باقى الشوط الاول ومعظم
الشوط التانى ..وعيم اليأس ع كل الناس..الى ان جاء جون متعب ورجعلنا الامل فى اننا
نتاهل لكاس العالم..اتعادلنا مع الجزائر..ومشفناش منهم غير كل قلة ادب وقلة
ذوق..يعنى جايين يلعبوا فى بلدنا..وع ارضنا..وبيبهدلوا فينا ويشتمونا واخر قلة ادب..وطبعا
كلكم سمعتوا ع اللى عملوه فينا..وكان نتيجة اللى عملوه ده ان اغلب العرب جم معانا
احنا..وفى صفنا..وكان منهم شعب السودان..وفى ناس من دبى وسوريا جت مخصوص وحضرت
المتش فى الاستاد(اللى فى السودان)..المهم جينا ع نفسنا وحطينا امل فى يوم الاربع
..وجه يوم الاربع..وكل الناس جهزت للمباراة ديا ودخلنا واحنا روحنا المعنوية
مرتفعة..والشباب فى كل انحاء مصر جهز للمباراة..والاعلام المصرية ارتفعت فى اغلب
الانحاء.. وحضر المتش مجموعة كبيرة من الممثلين والفنانين المصريين ودكاترة جامعة واعلاميين وصحيين وغيرهم..
..وراح جمال وعلاء مبارك وحضروا المتش..وبرضو اتهزأنا واتبهدلنا منهم برضو..لدرجة ان فى مشجعين
جزائرين شتموا جمال وعلاء وهما سمعوا الشتيمة بودانهم..المهم اخدناهم ع قد
عقلهم..ودخلنا المباراة..ونزلوا نطح وضرب فى اللعيبة المصرية..وبكل قلة ادب
وبجاحة..وحصلت خناقة فى الملعب..
..وكانت النتيجة بكارثة..وهيا اننا ما فوزناش فى المتش..ولاسباب كتيييييرة جدااااااااا..
وبعد
المتش حصلت مصاااااااااايب بقا منهم..وهيا انهم ضربونا..واتطاولوا علينا.وع
الفنانين اللى راحوا يشوفوا المتش..وماشفناش منهم غير كل قلة ادب ومعلش بقا فى
الكلمة "وسفالة" ..واتطاولوا ع المصريين اللى بيشتغلوا هناك فى
الجزاير.. و...
كانت أحداث العنف اندلعت مساء أمس الأول، إثر بث إحدى الصحف
الجزائرية خبراً كاذباً عن مقتل ٩ جزائريين وإصابة المئات من الجزائريين فى
القاهرة، عقب مباراة السبت، وهو ما أدى إلى مهاجمة جماعات جزائرية مقار
سكن وعمل مصريين بالجزائر، خصوصاً فى شركات «أوراسكوم تليكوم» و«المقاولون
العرب»، و«مصر للطيران» التى تحطم مقرها الرئيسى.
واكتفى السفير الجزائرى بتحميل الإعلام المصرى وقنوات مودرن ودريم
والحياة، مسؤولية ما
حدث من شحن جماهيرى، فيما تواصلت أمس لليوم الثانى على التوالى الاعتداءات على المصريين
فى الجزائر، إذ حوصر مصنع يعمل به مئات المصريين، وتلقت «المصرى اليوم» مكالمات تليفونية من هؤلاء، أكدوا فيها
تعرضهم للقذف بالكرات النارية، مما تسبب فى إصابة عشرات منهم...
بعد
مباراة مصر والجزائر.. الفنانون المصريون يقاطعون المهرجانات الجزائرية و سقوط 14
قتيلا و254 جريحا في احتفالات الجزائر
وكمان
انا سمعت فى برنامج خالد الغندور اللى جه يوم الخميس..وعرفت انهم اتهجموا ع بيوت
الناس السودانية اللى حوالين الاستاد اللى كان فيه المتش..كانوا بيحاولوا يرشوا
الناس دى عشان ياخدوا بيوتهم لمدة ساعة او ساعتين عشان يرفعوا الاعلام فى البيوت
دى..ويورونا ان حتى السودان بتشجعهم..
وكمان عرفت انهم كانوا بيحاولوا يلموا كل التذاكر اللى المفروض تتباع للمشجعين الجزايرين
لدرجة ان التذكرة اللى كانت بتتباع مثلا ب 15 جنية..هما كانوا بياخدوها ب100 جنية
عشان يضمنوا انهم هياخدوا التذاكر ويدوها لباقى المشجعين ..عشان عددهم يكتر..
وكمان
انا عرفت انهم فى يوم المتش لّموا الاسلحة البيضا من الاسواق السودانية..عشان
يأذوا المشجعين المصريين..
وكمان
انا لمحت من خلال تشجيعاتهم فى الشارع..انهم كانوا بيضموا علم فلسطين مع علمهم فى
خلال هيصتهم فى الشارع..قال يعنى انهم انتصروا ع اليهود..واللى المفروض ان اليهود
اللى هما انتصروا عليهم دول اللى هوا احنا..(احنا المصريين)...
شوفوا
انا قلت كام حاجة حصلت منهم بس فى يوم الاربع ..وع فكرة دول عملوا حاجات تانية
كتيييييييييييير جدااااااااااااااااااااااااااااااااااا..ده بغض النظر عن تكسير
القزاز اللى فى الاتوبيسات..وتدمير المنشأت..واللى عملوه فى مصر اما جم يوم السبت
..وحاجات تانية كتييييييييييييييييييييييييييييييييير...
يعنى
انا بجد مش عارفة اقول اى..دحنا حتى عرب..يعنى قدروا ينسوا ان احنا عرب.. قدروا
وبكل سهولة ينسوا مجهودات مصر معاهم قبل كدا..وع مر كل العصور..صحيح واللهى..عاملين
زى العرسة..تاكل وتنسى..
وكل
ده عشان اى..عشان حتة متش لا راح ولا جه..اى نعم انه بيأهل لكأس العالم..بس
ماتوصلش الحكاية ل انهم يبهدلونا سواء كان ع ارضنا او ارض غيرنا..ويشتموا ولاد
الريس..ويبهدلوا الفنانين المصريين اللى بيروحوا وبيعملوا حفلات وبيجبولهم دخل
كويس..يعنى عشان حتة متش ممكن يبوظوا علاقات سياسية..عشان حتة متش يرفعوا علينا السنج والمطاوى والسكاكين وكل انواع السلاح الابيض ويموتونا..عشان حتة متش ممكن تقوم حرب علينا..؟؟؟؟!!!!!!!
وكل ده عشان خسرنا امال لو كنا كسبنا كانوا عملوا فينا ايه..كانوا رجعولنا الناس ميتة بقا من هناك..عشان حتة متش ممكن تقوم حرب علينا..؟؟؟؟!!!!!!!
وع فكرة..قلة الادب دى مش من فراغ..وع فكرة كمان..دول بيحقروا علينا من زمااااان..وده كانت البدايات من التمانينات..حتى فى المتش بتاع نوفمبر 1889م..كانوا برضو بيعملوا اعمال شغب كتييييرة ساعتها..وحاجات كتييييرة منهم بس مش عاوزين نقلب المواجع..كفايا قلبة الدماغ اللى احنا فيها..!!
دول بعتولنا بلطجية مش مشجعين..
يعنى فى من المشجعين المصريين كانوا ستات..واغلب المنتخب من طبقة الهاى كلاس..مش بلطجية زيهم..دول وربنا ع راى خالد الغندور:"دول ماكانوش عاوزين الستات وطبقة الهاى كلاس..دول كانوا عاوزين شباب من شبرا وامبابة وشوية بلطجية كدا عشان كنا نعرفهم مقامهم صح.."
يـــــــــــــــــــا جماااااااااااااااااعة احنا لازم نقف وقفة بجد بقا..وانا بحيي الفنانين اللى قاطعوا الجزائر خاااااااالص..
لكن
معلش..ملحوقة..مش هما كانوا عاوزين يخشوا كاس العالم..اديهم دخلوا..يورونا شطارتهم
بقا..وع فكرة هيتكسروا وهيتنيلوا هناك..وهيطلعوا من اول او تانى دور فى كاس العالم..وهتشوفوا..وبكرة
نقعد جنب الحيطة وهنسمع الزيطة..
وقبل
ما اختم احب اقول كلمة للمنتخب المصرى..
"انتوا
عملتوا اللى عليكوا..لكن ربنا ما اردش..واحنا هنقف جنبكم مهما حصل.."
وع
فكرة يا جماعة..انا فى رأيي اللى اتخلى عن المنتخب ونزّل فيهم شتيمة..يبقى ما يشجعش
كورة احسن..لان مفيش نصر بيدوم ع طول..ومفيش هزيمة بتدوم ع طووول...
كمان
فى حاجة...
فيه اية فى القران بتقول "وعسى ان تكرهوا شيئا وهو خير لكم"
احنا فشلنا فى اننا نخش كاس العالم..لكن احنا لعبنا كويس جداااا قدام البرازيل وجبنا
فيهم 3..وانتصرنا ع ايطاليا..واساسا كان شرف لينا اننا نلعب معاهم حتى ولو كنا
خسرنا..وكسبنا كاس امم افريقية
كتير..واحنا دلوقتى داخلين ع كاس الامم الافريقية فى انجولا..
وفى
حتة عاوزة الفت نظركوا ليها..احنا دلوقتى داخلين ع كاس الامم الافريقية فى
انجولا..وفى ادينا اننا نكسب كاس الامم الافريقية تانى..لكن
هما (الجزائر) موش هيبقوا فاضيين اوى للكاس ده...واكيد اكيد حيحطوا امل فى كاس
العالم.. وبالتالى ممكن يطنشوا الكاس ده..وهيدخلوا كاس العالم
وطبببببببببعععععععااااااااا مش هيكسبوه..يبقوا هما كدا خاسرين كاس الامم وكاس
العالم..يبقى كدا هما لا حصلوا بلح الشام ولا عنب اليمن..لكن احنا ممكن نكسب كاس
الامم..
عشان
كدا...بقلكوا ودعوا امل دخول كاس الامم..و حطوا املكم دلوقتى فى كاس الامم
الافريقية..وخللوا دايما الاية دى فى بالكم.."وعسى ان تكرهوا شيئا وهو خير
لكم"..واحمدوا ربنا ع كل حال..مفيش حاجة بتفضل ع حالها
الموضوع ده يا جماعة اللى كتبته هوا العبدة لله(ندى)..ومستنيا تعليقاتكم..