من طرف باختصار كده عايزكوا معايا فى حل الفزورة دى علشان انا دماغى لفت منى وبجد مش عارف اجيبها
واللى يعرف يحلها يبقى ليه كل تقدير واحترام منى
نبتدى باه
ملك عنده 3 وزراء اذكياء جدا الى ابعد الحدود جه فى يوم طلعت فى دماغ الملك ده يختبر الذكاء ده
جميل لحد كده ندخل فى الجد
جاب 5 طواقى
3 منهم لونهم اسود و2 لونهم ابيض وغمى عين ال3 وزراء دول وقالهم كل واحد فيكوا هلبسوا طاقيه منهم تمام وهما مش شايفين طبعا
وهشيل الغمامه من على عين كل وزير منكوا ويشوف ال2 الوزراء التانيين لابسين طاقيه لونها ايه ويقول الطاقيه اللى هو لابسها على راسه لونها ايه ولو معرفش هيتقتل
الوزير الاول الملك فك الغمامه من على عينه وشاف الطقيتين اللى على رؤس الاتنين فسأله الملك لون الطاقيه اللى على دماغك ايه فقاله لا اعلم يامولاى فقتله الملك
الوزير التانى الملك فك الغمامه من على عينه وشاف الطاقيتين اللى على رؤس الاتنين اللى مقتول واللى لسه عايش وساله الملك الطاقيه اللى على راسك لونها ايه فقاله لا اعلم يامولاى فقتله الملك
الوزير التالت الملك فك الغمامه من على عينه وشاف لون الطقيتين اللى على رؤس الاتنين الوزراء وساله الملك الطاقيه اللى على راسك لونها ايه فقله لونها اسود يامولاى
مربط الفرس باه بتاع الفزورة الوزير التالت ده عرف لون الطاقيه اللى على دماغه منين ؟؟؟؟؟؟؟؟؟؟
ساعدونى لو حد فهم منى حاجه 
