من طرف فل يا شباب
من غير رغى ومقدمات طويله
انا جايبلكم انهارده كلمات 2 من الالبومات الجديده
حماقى وسميرة سعيد
كمان علشان انتوا ناس طيبين وولاد حلال
الشركه انهارده عامله عرض جديد هيعجبكم
اكتب رد وشوف كلمات اغنيه المرايا بتاعه شرين
اللى غنيتها فى الفيلم الجامد اوى اوى اوى اوى اسف على الازعاج
فيلم جامد اوى بصراحه
نبدأ باجمد البوم فى الالبومات من رأيى
البوم حماقى ناويها
قالوا فيكى
========
قالوا فيكى حنان زيادة ربنا ضايفـُه
لأ وفيكى جمال ف روحك لوحدى انا شايفـُه
حاجتين نفسى اقول حاجتين
كنت قبلك فين والنهاردة انا فين
بعدين انا اعيش معاكى سنين
او اعيش يادوب ساعتين
كدا ضعت فى الحالتين
ياااااااه احكى ليه ف حكايات دول تلات كلمات كان ناقصنى حاجات
ياااااه والنهاردة لاقيت اكتر ما انا اتمنيت وعوضت اللى فات
*****************
انا لو أذيته
========
انا لو اذيته كان عمل لى زياده عن كدا ايه
بالعكس عمرى ماخدت منه نص اللى انا بديه
كان عايز يموتنى يعنى يرتاح وانا مجروح
دا ماشافش غير حنية منى ماشافش غير الخير
وانا لو قاتله حد اسهل من كدا بكتير
خايف لايعرف قيمة اللى ف ايده لما يروح
عموما يالا مش فارقة ومش خسران
عشان اعرف دا دلوقتى انا الكسبان
دا يوم بدرى يريحنى وانا بنسى
ومش يمكن لو انا كملت اعيش ندمان
لو غلطة منى مين يقولى انا طب غلطت ف ايه
طبيعى لما تحب حد تكون مآمن ليه
قصر الكلام هيفيد بايه خلاص كلام عليه
زمانه رتب كل حاجة وعاش حياته خلاص
مش فارقة عنده اى عشرة بنا ولا احساس
وانا مش هوقف يوم حياتى الدنيا مليانه ناس
**************
هانت
=====
هانت ايوه هانت فترة وانسى الحب دا
تبقى حكايه كانت انت مش نفسك كدا
شكلنا هنسيب بعض قريب ولا قريب ليه ماخلاص
دا اللى برىء ف الحب وطيب بقى يتعيب بين الناس
شايف جوه عينك نظره عمرى ماشوفتها
كان بينى وبينك حاجة ليه ضيعتها
*************
وافتكرت
======
حياتى وهوه مش فيها سنين عدت رضيت بيها
وفاكر لو قابلت عينيه عادى جدا هعديها
واديك ياللى افتكرت نسيت قابلته الليلة واتهزيت
طب ازاى فيه حاجات بتموت وتيجى الصدفة تحييها
وافتكرت لما جت عينى ف عينه سنينى معاه
وافتكرت وعد كان بينى وبينه زمان خدناه
وافتكرت مسكته ف ايدى وايدى خلاص سايباه
قصادى عيونه محتارة يقرب ولا يدارى
جيه اليوم اللى اشوفوا انا فيه ومانتكلمش ياخساره
دى صعبة عليا واعمل ايه مافيش ف ايديا شيئ تانى
خلاص اهو اسمى شفت عينيه عشان دى بجد وحشانى
*****************
هنا جنبى
=======
خليك حبيبى هنا جنبى هنا جوه قلبى هنا ياللى روحى ف هواك
ليالى وانا على حالى ودايما ف بالى بحبك وهفضل معاك
ليك حق ياحبيبى فيا واكتر ماليا حياتى ماتغلاش عليك
يارب اعيش العمر جنبك فى حضنك فى قلبك فى ضحكة بشوفها ف عينيك
**************
اكتر م الدنيا
=======
انا اكتر م الدنيا انا بحبك وغيرك انت ماليش
انا لوتبعد ثانية انا ف بعدك حبيبى صعب اعيش
كنت بخاف م الحب وسيرته كنت اعمله الف حساب
اللى يقولى بلاش من حيرته واللى يقولى نار وعذاب
هوه دا قلبى وهوه دا حالى لما كنت بعيد
لما عيونك ندهت عينى قلبى ف ثانية حس هواك
لو بايديا ارجع بسنينى عمرى بحاله يبقى معاك
نفسى اعيش طول مانت معايا عمر تانى جديد
انا دلوقتى بعيش فى الجنة ايوه حياتى اجمل بيك
قبل ما اقول او حتى اتمنى اللى بحبه بلاقيه فيك
ياللى ماعشتش يوم من قبلك مش هعيش بعديك
عمرى ماقابلك حد وصلى عشت وقلبى باب مقفول
انت عرفت ازاى تدخلى دق القلب ليك على طول
يظهر ان ماكنتش عارف انى مستنيك
**************
حبيبى لو زعلان
=======
حبيبى لو زعلان من حاجه حبيبى انا من غيرك ولاحاجه
اد انت مابتتمنى اقول وف ثانية انا هوريك
شايف القمر والشمس دول والله ما خساره فيك
وفوق دا كله انا عمرى كله ليك ياحبيبى
حبيبى لو زعلان من حاجه حبيبى انا من غيرك ولاحاجه
لو يوم ماحستش بامان يبقى انا لزمتى ايه
ده انا ف حياتك جيت عشان ابقى اللى نفسك فيه
واكتر من اللى بتحلم انت بيه ياحبيبى
******************
ناويها
=======
انا جايلك وناويها بظبط وقتيل ع الباب بخبط هتعملى ايه
هتسلم بعديها فقصر وبجد انا مش بهزر هخاف ولا ايه
انا حر ياسيدى انت ايه ضرك
راضى وبايدى عمرى ماتحرك
امشى دا ايه لاانت بتهرج واعمل كدا ليه
ولا بتعب ولابزهق دا مبدأ واحلف لو مش مصدق كبيرك يومين
ماهى كبرت ف دماغى براحتك عدانى العيب نصاحتك بتتحدى مين
*****************
جت ياماجتش
========
اه بحب واحده سكتها صعبة وتقيلة تاعبة قبلى ناس كتير
قالوا عنها اذكى ولا ليها مسكة وبجد واثقة انى سهل اطير
فحسبتها ياولا ثبتها مسكنة هوصلها واهى جت ياماجتش بقى
والله مافيه غير كدا هستنى ليه كل دا طب هخسر ايه ماهى جت ياماجتش بقى
دا استهتار منى انا لوافضل محتار كام سنة دوس خد قرار وياجت ياماجتش بقى
مين يملى عينى وانا حاله طارئة وعيونها سارقة روحى نفسى اعيش
فى عيون كتير سودا خضرا زرقا مع غيرى فارقة عندى ماتساويش
***************
مش معقول
======
مش معقول انا ايدى لامسه ايديك
خايف اكون ياحبيبى بحلم بيك
دا اللى انا فيه ماخطرش يوم ع البال
حلم بعيد انا كنت فاكرُه خيال
دى ليالى قبلك مش عايز اعرف كام دى سنين كتير وايام محسوبه على عمرى
دلوقتى جنبك هبدأ حياتى معاك ما انا مستحيل انساك ياللى معاك عمرى
ماتقوليش ودا بردو وقت كلام وانا وياك غمض ف حضنى ونام
سيبنى اعيش جنبك بقلب وروح ماتخليش ثانيه ف حياتنا تروح
**************************
اوبااااا
البوم سميرة سعييد ايام حياتى شديد اوى
ايام حياتي
============
ايام حياتي قبلك قبل انا ماقابلك كانت ايه
ميت سكة سد ضحكة مش بجد وقت بضيع فيه
ايام قضيتها كده والسلام
وبقوم وبصحى وبنام
لحد ما جيت غيرتلى الايام
عرفت قيمة حياتي معاك
حبيبي لولاك كنت مـت اتخنقت انتهيت
قبلك حبيبي سنيني كانت تفوت
كانت ضلمه موت ومعاك انت بس ابتديت
حـسيت معاك احساس
اتحدى لو في ناس
يوم حسوا بيه
الحب متخلقش
لسه متخلقش
اللي يساويه
بكون جمبك ومالكة الكون
خلتني جراحي تهون
مش حب عادي لا ده حب بجنون
----------------------
لحقت ازاي
==============
لحقت ازاي تحب جديد وتعترف لوحداه تانية
بجد ازاي ده اسلوب غدر مختلف مخدش ثانية
قادر تعمل ده كله ازاي وفين امتا
موش اللي كان معايا امبارح هوه انت
حبيتنى في قد ايه ؟!
ونسيتنى فى قد ايه ؟!
من غير تعب وجراح ؟!
ماتقول عشان ارتاح !
وقول عشان انساك !
واخلص من اللى انا فيه !
كده هتخليني
اكره احساسي بطيبتي لاكنت واثقة
ومغمضه عيني
واتارينى يا عيني
كنت فاكرة نفسي اذكى
خلاص ماتقولش اسف
هيفيد اسفك باٍيه
سؤال واحد ياريتك
بس تجاوب عليه
حبيتنى فى قد ايه ؟؟!!
-------------------
مايهمنيش بكرة
====================
عايزة احس بيك وبس وكفايـة عايزة احب عايزة قلب ويايا
مايهمنيش بكرة يا حبيبي وانا وياك
مش عايزة من الدنيا غير ثانية اعيشها معاك
ليلي يا ليلي يا ليلي مش عايزة منك يوم وعود توعدني بيها
مش عايزة غير اللحظة دية عايشني فيها
مش شايفة اني هوايا غلطة
لو غلط مايهمنيش
فين
بعد ما قلنا لبعض ساعة الفراق والبعد مابقاش كلام ينفع تاني يرجعنا
ماتقولش ننسى البعد شايلين اوي من بعض مئدرش يوم ارجع رجوع مالوش معنى
خلاص كفاية كده كفاية ضاع مني الوقت ده
ااااااااه ااااااااااااااااااه
متنسناش ايام مكنش اي كلام ده كلام كتير يجرح قلناه لبعضينا
ازاي ح ننسى خلاص اتغير الاحساس اتصدق كده اريح الحب مات فيا
---------------------------
وانا معاك
=========================
وانا معاك بتبقى عينيا فرحانة
ودقات قلبي ولهانة
وبلقى ايديا دفيانة عشان لمساك
وانا معاك بحس كـأني في الجنة
وفي حضنك بفضل اتمنى
مابلقاش للحياه معنى غير وانا وياك
ايه تاني ح حتاجه في هواك
ولا حاجة نقصاني وياك
ده وقت فات بتحلى الدنيا والايام
وانا وياك بلاقي الوقت عدى قوام
عشان سمعاك وبتقول فيا احلى كلام
ايه تاني ح حتاجه في هواك
احساس بيزيد جوايا
عيزاك علطول ويايا
برتاح بيك وانت معايا
شيفاك لو مش ويايا
حبيبي بحس بالر احة
وهادية البال ومرتاحة
بقولهالك وبصراحة
معايا ملاك
هواك بياخدنى من الدنيا
بدوب من كلمه والتانيه
ومش عايزة تفوت ثانيه
مكونش معاك
--------------------------------------------------------
شائت الظروف
=======================
شائت الظروف يا حبيبي تهواني وتخليني اتعلق بيك
شائت الظروف يا حبيبي تنساني من تاني واندم ليالي العمر انا عليييييك
شائت الظروف يا حبيبي تهواني وتخليني اتعلق بيك
شائت الظروف يا حبيبي تنساني من تاني واندم ليالي العمر انا عليييييك
حبيتك مشيت طريق طويل
وعملت انا عشانك انت المستحيل
وفي يوم وليلة اللي بينا ضاع
وكان الوداع
اديتك كل اللي اقدر عليه
ده كل حلم ليا انت فيه
واهو كل واحد فينا فى سكه تـاه
وده طبع الحيــاه
-----------------------------
عيونك قدامي
===================
وانت عيونك قدامي
بعشق عمري وايامي
انا ليك -- ليك انا
وانت عيونك قدامي
قلبي بيلمس احلامي
وانسى فين -- فين انا
حبينا عمرنا البعد لا خلينا
خلينا حبينا خلينا في حبنا خلينا
احضنى دفينى
فى عيونك دفينى
دى الحياه من غيرك مش حياه
ايامي في الحيااه معاك عشتها
احلامى فيك حبيبي شفتها
وسنيني حبيتها بيك
وانت معايا الحياه تبقى في ايدينا
وبننسى الناس والدنيا كلها
يا حبيبي دا العمر لــيــنــا
-------------------------------------------
نفسي أتكلم
=======================
نفسي اتكلم تاني معاك
نفسي عيوني تكون شيفاك
يالي بعدت عليا كتيــــــــر
ارجع ليا لو وحشاك
وانا ليك ولا عمري ح كون غير ليك
لو غالية ياحبيبي عليك
محتاجة اكون وياك
انا ليك خايفة البعد يأسيك
خايفة الوقت ينسيك
ارجعلي انا عيـــزك
الحيـــاه مبقتش حياه والعمر خلاص انا مش عيشاه
الحيـــاه مبقتش حياه والعمر خلاص انا مش عيشاه
انا ايامي مابتعديش
انا احزاني مابتسبنيش
ايوة تعبت خلاص ماليت
انا موش قادرة حبيبي اعيش
وانا ليك ولا عمري ح كون غير ليك
لو غالية ياحبيبي عليك
محتاجة اكون وياك
انا ليك خايفة البعد يأسيك
خايفة الوقت ينسيك
ارجعلي انا عيـــزك
الحيـــاه مبقتش حياه والعمر خلاص انا مش عيشاه
الحيـــاه مبقتش حياه والعمر خلاص انا مش عيشاه
---------------------------
الفضل يرجعلك
========================
مش حرجعلك الفضل يرجعلك
ولا يوم تاني ح غلط وح سمعلك
يعني بكل صراحة لا يمكن يوم ابدا ً انفعلك
تعرف لو انت اخر واحد في الدنيا ديا
لو مافيش حد غيرك يحس بيا
ح نساك لو انت ايه كل اللى ليا
ايوة دي غلطة يوم مااخترتك تبقى عشاني
غلطة مني وعمري ما اعملها تاني
رافضاك لو انت ايه كل اللي ليا
مش حرجعلك الفضل يرجعلك
ولا يوم تاني ح غلط وح سمعلك
يعني بكل صراحة لا يمكن يوم ابدا ً انفعلك
--------------------------
انا كتير عليك
=========================
انا كتير عليك واحساسي بيك كان نعمة وضاعت من ايديك
انا كتير عليك وبجد انا استصغرت نفسي في حبي ليك
عرفت النهاردة ان كان مضحوك عليا
عرفت ان صبري عليك بجد اٍهانة ليا
دا كان حبي ليك زمان هو العيب اللي فيا
وكان حبي ليك هو الحاجة الحلوة اللي فيك
دلوقتي حاسة اني معاك ضيعت وقت
كان قلبي انا غلطان وصلح غلطته
مكنتش في وعيي والنهاردة لما فوقت
لاقيت ان حبك ليا زي قلته
----------------------
قد الكلمة دي
=======================
قد الكلمة دية حبتي أوام أوام
قد الكلمة دية ولا انت بتاع كلام
جاي ليا ولا جاي تتسلى وتقضيها شوية
قولى هتقابلني عشان تغني ليا ولاعليا
قد الكلمة دية حبتي أوام أوام
قد الكلمة دية ولا انت بتاع كلام
حتتعب وتغلب معايا مافيش حـل فيه
لو انت هتلعب بيا انا ألعب بمية
جاي ليا ولا جاي تتسلى وتقضيها شوية
قولى هتقابلني عشان تغني ليا ولاعليا
قد الكلمة دية حبتي أوام أوام
قد الكلمة دية ولا انت بتاع كلام
حتتعب وتغلب معايا مافيش حـل فيه
لو انت هتلعب بيا انا ألعب بمية
احنا لسه فيها يانبتديها وياننهيها
----------------------
حب ميئوس منه
=======================
قالى انه مش مرتاح من غيرى
والدنيا بعدى خلاص فضيت عليه
راح شاف حياته مع حد غيرى
ايه جابه تانى وهو انا دخلى ايه
مش فاههمه ليه بيشكيلى همه
كان ايه اللى غصب على الى وصلنا ليه
فى واحده تانيه شايله اسمه
مبقاش عشانى هشيل انا همه ليه
ليه دلوقتى حليت فى عينه
ليه ينسى اللى كان يربطنى بيه
فيه ناس غيرى مستنيينه
وايه انا فى حياته ابقى ايه
انا اجى ليه على حساب كرامتى
ويضحى بيا واضحى تانى ليه
هو ده لو حاسس بقيمتى
كان ليه نسينى وخيب املى فيه
وانا خلاص مبقتش ناقصه
واللى انتهى بقى صعب نتبديه
دى الواحده بتسامح وتنسى
فى اى حاجه الا الحاجه دى
ليه دلوقتى حليت فى عينه
ليه ينسى اللى كان
فيه ناس غيرى مستنيينه
وايه انا ابقى فى حياته ابقى ايه
يلا سلام سلام
بينا مفيش كلام
احسنلى انا ابعد عنه
انسى اللى كان زمان
انسى اللى كان عشان
الحب ده ميئوس منه
---------------------------------
أوام كده
===============================
اوام كده ادوب اقع فى الحب ده كده والله ماكان على بالى
اوام كده اشوفك انا يجرالى كل ده وحياتى تغيرهالى
بعد النهارده لا يمكن ارضى غير بيك حبيبى انت اللى انا ليه
ومره واحده خت القرار ده معرفش انا بناء على ايه
حبيبى يا دوب قابلتك وفى قلبى شيلتك واوام سالتك حبيتك انا كده ليه
اوام كده ادوب اقع فى الحب ده كده والله ماكان على بالى
اوام كده اشوفك انا يجرالى كل ده وحياتى تغيرهالى
من غير مجامله بصراحه كامله انا عامله زى ماكون بحلم
معقول بجد فى حد يحب حد وبسرعه كده الله اعلم
حبيبى يا دوب قابلتك وفى قلبى شيلتك واوام سالتك حبيتك انا كده ليه
اوام كده ادوب اقع فى الحب ده كده والله ماكان على بالى
اوام كده اشوفك انا يجرالى كل ده وحياتى تغيرهالى
------------------------------------
مستحملاك انا
===================================
معاك عدت حاجات كتيرة ساكتة ومش جايبة سيرة
خلتنى انا الكبيرة لحد مازاد عليا قساك
مستحملاك انا ومدوقاك هنا تاخد ومبتديش
دة اللى يلاقى الدلع يعمل البدع يتمرع ويعيش
فين حنيتك عليا فين العيشة دى حترضى مين
فى واحدة تدى بالسنين والنتيجة مفيش
مستحملاك انا ومدوقاك هنا تاخد ومبتديش
دة اللى يلاقى الدلع يعمل البدع يتمرع ويعيش
ايام قاسيتها طوبتك رميتها مبقتش باقية عليك
لو كان فيك الخير رماك ليه الطير م كنت همسك فيك
بس انا عاملة خاطر للعشرة لأ ياساتر انت ازاى تتعاشر اصبر تانى لا
انت مدام انانى ولا مقدر حنانى روح شوفلك حد تانى كمل وياة
فين حنيتك عليا فين العيشة دى حترضى مين
فى واحدة تدى بالسنين والنتيجة مفيش
مستحملاك انا ومدوقاك هنا تاخد ومبتديش
دة اللى يلاقى الدلع هيعمل البدع يتمرع ويعيش
-----------------------------------------
والكادو بتاع العرض
اغنيه شرين المرايا من فيلم اسف على الازعاج
واسف انى طولت
ههههههههههههههههههههه
فيلم جامد اوى
مش اسف انى طولت لا
اسف على الازعاج
هههههههههههههههههه
والنبى انا عثل
صح ؟
هههههههههههههههههه
مستنى فرصه بس
بس تكون بعجوة
هههههههههههههههههههههههههههههههه
المرايا لشرين
هتعمل ايه لو نمت يوم وصحيت ...بصيت
وشوفت نفسك فى المرايا بكيت
جواك سؤال تصرخ تقول انا مين ... انا مين
انا زى ما انا ولا اتقسمت اتنين
وبعدين قول ياللى فى المرايا
فهمنى ايه الحكاية فرحان ... تعبان ... مرتاح
لما حاجات كتير ف حياتنا اتسببت فى حيرتنا
وادينا عايشين راضيين ... جايين ورايحين
هتعمل ايه لو نمت يوم وصحيت ... ولاقيت
اقرب ماليك فى الدنيا مش حواليك
هوه انت مين اللى عمل كدا فيك ... كدا فيك
مش انت ولا فى حد غمى عينيك
وبعدين قول ياللى فى المرايا
فهمنى ايه الحكاية فرحان ... تعبان ... مرتاح
لما حاجات كتير ف حياتنا اتسببت فى حيرتنا
وادينا عايشين راضيين ... جايين ورايحين
--------------------------------
يلا بقى ايه الرغى ده !!
