من طرف سؤال صغير اوى عاوز اطرحه عليكم واعرف رايكم كلكم شباب وبنات فى الموضوع ده .....
يااااااااااااااااااااااااااااااااترى .........
لازم شقه وشبكة ومهر وفرح فى افخم النوادى .... ياترى يابنات دا هوه قيمتكم ؟؟
والمشكله عشان نكون بنتكلم بكل صدق بتنقسم لاكتر من قسم والاقسام ديا هيه السبب فى حدوث
المشكله ديا اولا المجتمع اللى هما اهل العروسه أو العروسه نفسها أو الاهل والعروسة
النهارده ياجماعه انتشرت ظاهره موجوده من زمان معانا كمان هيه تقاليد وعادات موجوده بتتسبب
فى انهيار حلم شاب وطموحه اوقات كتيره جدا
يعنى مثلا شاب دخل بيت بنت دخل طبعا مش عشان يلعب دخل عشان اكيد شاريها دخل البيت من بابه
دخل يتقدم وهو حاسس انه خلاص هيحقق حلمه ويبقى مع البنت اللى اتمناه تكون زوجته
فجأه يفاجأ احنا موافقين بس فيه طلبات وطلبتنا هيه كالتالى
1- عايزين شبكه لبنتنا لا تقل عن 10000 وديا كمان اقل شبكه على فكره
2- عايزين مهر لبنتنا لا يقل عن كذا وكذا دا بنتنا غاليه ولازم يبقى مهرها غالى
وفيه ناس اوقات ما بتطلبش المهر وبتتشرط فى العفش بتاع الشقه عايزه عفش لا يقل عن كذا او
عايزين عفش من كذا ويروح ياعينى كان الشاب دا عامل حسابه فى وليكن 30000 جنيه او 40000
جنيه يروح ياعينى يلاقى العفش دخله فى 60000 او ازيد دا على حسب طبعا العفش دا انا بقول يعنى
دا لو عامل حسابه على كذا وزاد وبقى بكذا وفيه طبعا عفش اقل من كدا
3- عايزين بقى فرح بنتنا الناس كلها تحكى عنه عايزين فى نادى كذا عشان بنت عمها كانت عامله
هناك وهيه مش اقل من بنت عمها فى حاجه ويروح يحجز النادى يلاقى النادى ب 20000 او 30000
4- مش عايزه بنتى تقعد فى شقه فى بيت العيله لا انا عايزه بنتى فى شقه منفصله وتكون 5 حجرات
طبعا بتخمس عشان الحسد لما حد يدخل الشقه كمان وتكون ليها رسيبشن كويس وكذا وكذا ودا
غير تجهيزات الشقه كمان
ويجى المسكين يحسب تكاليف الجواز تعالوا نحسب بقى مع بعض يعنى حساب كدا نظرى وبس
شبكة ب 10000+ 60000 العفش + فرح ب 20000 + شقة نقول 100000 = 190000جنيه
ياخبر ابيض 190000 جنيه ياترى هيجيبهم منين بلاش حتى 190000 نقول 150000 جنيه
فين الشاب اللى لسه بادئ حياته وعايز يتجوز معاه 150000 نادر جدا ياترى بقى الشاب يسرق عشان
يتجوز وكل دا البنت واهلها هما اللى طالبين الطلبات ديا ديا لو البنت موافقه
يااما تلاقى حاله تانيه ان البنت اللى عايزه كدا واهلها موافقين على كلامها بس عشان ديا طلبات بنتهم
يااما البنت بقى عايزه تقف جنب الشاب اللى بتحبه دا وتقولهم لا يامااما لا يابابا مش عايزه كل دا مامتها
وباباها يقولولها دا بقى لو عايزه تتجوزيه وبكدا الطرفين اتظلموا من الاهل
بس على فكره :-
اهل البنت ديا او البنت نفسها لو ليها اخ واخوها دا عايز يتجوز ودخل بيت واحده
وشافوهم بيطلبوا الطلبات ديا هيخرجوا من هناك هيقولوا كلمتين شوفوا بنتهم بقى هتتجوز مين
وهيخرجوا مش عاجبهم الكلام دا عارفين ليه عشان دا ابنهم واخو البنت ديا
يبقى اللى ما نقبلوش على ولادنا ما نقبلوش على غيرنا خالص ونراعى ربنا فى طلبتنا وزى ما الناس
بتقول بالبلدى احنا بنشترى راجل واكيد اى شاب مننا لو معاه فلوس مش هيبخل على بيته ولا شقته
ديا الحقيقة
وعلى فكره كمان الشبكه المفروض انها هديه من العريس يعنى المفروض اهل العروسه ما يحددوش
سعر الشبكه لانها هديه من العريس للعروسة
المهم انا طولت فى طرح المشكله ديا لانها بيعانى منها كل شباب االعربى وبالتحديد فى مصر اكتر واكتر
سؤالى بقى
1- لازم شقه وشبكة ومهر وفرح فى افخم النوادى .... ياترى يابنات دا هوه قيمتكم ؟؟
ياترى بكدا يبقى الشاب بيثبتلك انه بيحبك وشاريكى ؟
2- ياترى ايه سبب المشكله ديا ازاى نغير العاده ديا فى المجتمع بتاعنا وازاى نخلى الاهل يبسطوا
الطلبات اللى بيطلبوها من الشاب ( ايه طرق العلاج للموضوع دا فى رأيكم)؟
الموضوع منقول ....عجبنى فحبيت انقله ليكم ونناقشه مع بعضكلنا يمكن نلاقى حل
