خاص للشباب ممنوع بنات تدخل هاه ........... شباب بس

اول حاجه الموضوع خاص للشباب و بس شبااااااااااب يعني اي بنت اوعى تدخل لانه خاص عارفين لو بنات دخلت هيتريقو على الموضوع عشان كده بلاش بنات تدخل عشان خاطرى
لأن الحاجات دي خاصة للعزااااااااااااااب و بس
ازيكو ياشباب عاملين ايه
انا لاقيت ان مافيش حد معبركم فقلت احنا شباب زي بعض المنتدى فيه بنات كتير قلت اتكلم عن الشباب شوية هما هياخدو المنتدى كله يعنى ليهم

ما اطولش عليكم جبت لكم طريقة طبخ جمييلة هترمو نفسكم وراها من اى شباك او بلكونة من حلاوتها ان شاء الله تستفيدوا منها
الطريقة على طريقة جوز ابلة نظيرة قلنا مش هنحتاج لاى نوع من البنات

النهاردة اجيب طبق اليوم وطريقة سريعة وسلهة من غير تعقيد ومش هنحتاج للبنات بعد كده

اولا : طريقة عمل الشاي انا عارف انها طريقة صعبة جدا لكن متخافش مع الطريقة اللى اقولها هتبقى سهلة ومش هتخاف بعد كده ولا هيبقى فى حاجة صعبة ......................... دول طرق مجربة ونجاحها فوق الوصف

الأدوات و المقادير

أى براد مرمى عندك فى المطبخ نغلي فيه الميه
هات معلقه صغيره لتقليب الشاي و السكر
وهاااااااااااااااات كبايه
وشويه سكر و شاي تموين بطعم نشارة الخشب مفيد جدا لصوابع الرجلين
وحبتين من شاي لبتون ابو علامة صفرا .. وهات
ورقتين نعناع من عند طنط ام سحلول ايوة اللى ساكنة جنبكو دى
وكبريت
وبوتاجاز

جينا بقى عند الطريقة

املأ براد الشاي بالماء من الحنفية بس لازم تكون حنفية فيها فلتر عشان بنحب النضافة
وضعه على النار لمدة ساعتين او ساعتين ونصف عشان يستوى

فإذا فار الماء استنوا شويه عارفكم مستعجلين قوي
ضع الشاي والسكر في الكبايه ثم اسكب عليه الماء المغلي
وضع النعناع بعد ذلك و قلب بالمعلقه تقليبا جيدا
ثم قدمه

وبالهنـــــا والشفا
--------------------------------------------------------------------------

ثانيا : طريقة البيض المقلي جينا للطريقة الصعبة اوى

المقادير و الأدوات

عشرون بيضة دجاج من اللى فى العشة تحت فى الشارع بلاش من بيض دجاج ابو اللفونزا عشان البنات متشمتش فينا .. اي نوع مش مهم المهم بيض دجاج وبلاش بيض الديناصور اللى بتجيبوه ده عارفكم طفسين
قليلا من الزيت زيت قلية وياريت ميكونش زيت تموين اقولك هات زيت الهنا اللى بيطلع فى الاعلانات ده
وقليلا من الملح
قليلا من الفلفل الاسود المطحون
باكو زبدة
طاسه قلي تيفال ابو قعر حرارى
ترمومتر حســـــاس
ملعقة للتقليب
وكبريت
وبوتجاز شوفت طريقة سهلة

الطريقة

هذه الطبخة تحتاج الى مهارة عالية وكفاءة ، لكن مع الوقت هتحترفها
ضع الطاسه على النار
ثم ضع قليلا من الزيت وهات الترمومتر
ودعه حتى تصل حرارته الى 14355667 درجة فهرنهايت
انتبه الطبخة مش ها تكون تمام الا مع درجه الحراره دي

اذا معندكش مقياس حرارة ضع اصبعك الصغير في الزيت
فإذا قلت (ياااااح ) حينئذ تكون وصلت للحرارة المطلوبة


اكسر البيضات كلها في طبق غويط ثم هات الملح والفلفل الاسود واضربهم فى الخلاط من غير البيض طبعا حتى يتغير
لونه وتظهر الفقاعات
هنا وفي هذه اللحظة ضعه بسرعة في الطاسه
فإذا تكونت طبقة شبه صلبة من البيض قم بقلبه على الوجه الآخر بسرعة
استمر في التقليب حتى يصبح لونه أسود فاتح او غامق مش هتفرق
ثم قم بمسحه بقليل من الزبدة وضعهم على النار حوالى مدة خمس او ست ساعات عشان الاكل يبقى ناضج ومغذى .........
ويقدم وهو ساخن ..........وبالهنا والشفــــــــــــــا...

انا عارف ان البنات متغاظة مننا دلوقتى عشان مش هنحتاجلهم ومفروسين عشان احسن منهم فى تحضير الاكل خليكو مفروسين كده مش هنساعدكم برضة ..........
وقريبا طريقة تحضير وصفات جديدة من نوعها وفى الطعم :
الوصفات عن
تحضير القهوة
كوسة بالفشار
سندوتشات جبنة بالاوطة

وإلى اللقاء فى الوصفات القادمة

جامده دى يا ديفوووووو

ههههههههههههههههههه

حلوة والله وجديده

:@: :@:

ده انت لو خطبتك شافت الكلام ده

حتخلعك على طول

ولو طلبت منها حاجه بقى انسى انها تلبيهالك

انا حروح اقول لها

هههههههههههههههههههههههههههههههههههه

أنا خطبتى طيبة مش بتزل منى خالص

عارفة لية لانها واثقة فية