.gif "مراقب على جميع المنتديات")
من طرف بسم الله الرحمن الرحيم
أحلى أعضاء ..
منورين شيتوس فـ كل يوم وكل ساعة ودقيقة وفيمتو من الثانية ..
ندخل فى الموضوع على طول ماشى
ماشى
تعالوا نشوف العضو دة ماله كدة قافش ..
العضو : مش معقولة كل ما اعمل موضوع يتحذف ويكون عاجبنى ونفسى الأعضاء يشوفوه ويشجعونى بجد مش معقولة
أنا مش منزل مواضيع تانى
دة بدل ما يشكرونى أنى بنزلهم مواضيع فى المنتدى ومظبط الأداء ومهيصلهم المنتدى
بمشاركاتى ومواضيعى
أنا مش داخل تانى ومش هعمل مواضيع تانى
هما اللى بدأوا خلاص وأنا هدخل أشوف أية الأخبار فى صمت وأمشى بلا شيتوس بلا
شيتوس برضو
تعالوا نشوف شيتوس هيرد وهيقول أية
شيتوس : أستنى بس مش لما تسمعنى هأقول أية
العضو : أرغى يا عم الأمور جيب من الأخر أنا ماشى يعنى ماشى
شيتوس: ما هوا أنتا اللى مش بتاخد بالك
العضو : أخد بالى فى أية بس أنا لسه جديد ومعرفش
أية المواضيع اللى نزلت واللى منزلتش .. ؟؟ .. يعنى أنا بشم على ضهر أيدى
شيتوس : مش قصدى ... ركز كدة معايا
وأفهمنى كويس
أنتا قبل ما تنزل موضوع تاخد أسم عنوان الموضوع طبعا مش كله يعنى كلمه منه وتحطها
فى البحث
ساعتها بقى
1 - ممكن يطلعك نفس الموضوع اللى أنتا هتحطه
وساعتا بقى طنش الموضوع دة خالص
2 - ممكن ما يطلعش الموضوع بتاعك وساعتها بقى
حط موضوعك وأنتا فى بطنك بطيخة صيفى
العضو : ما .....
شيتوس : أستنى يا عم أنا لسه مخلصتش
خد بالك .... فى حاجة برضو هتعملها زيادة الخير خيرين
أنتا دورت ولقيت أن موضوعك مش موجود قبل كدة تمام !!!
خد بالك بقى من الحتة دى فاكر أنا قولتلك أية ؟؟؟
قولتلك تاخد كلمة من عنوان الموضوع ...
بص بقى
ممكن يكون فى عضو قبليك يكون ناقل نفس
الموضوع بس بأسم تانى غير اللى أنتا هتكتبه { طبعا أقصد عنوان الموضوع }
أية الحل ساعتها ؟؟
بص يا سيدى تاخد كلمة بقى فى الموضوع نفسه وتكون باينه كدة وتكون المحور الرئيسى للموضوع وتروح كاتبها فى البحث
وصدقنى هطلعلك الموضوع لو عمل أية ألا بقى لو مكنش موجود
{ على فكرة البحث هيتعمل فى كل قسم فى المنتدى هتلاقوه على أيديكم الشمال جمب قائمه الاعضاء بس حاسب من السلمه المكسورة } أكيد عرفتوا مكانها
وبعديها بقى يلا ورينا شغلك
العضو : بس برضو أنا ماشى
شيتوس : ليه خير تانى ؟؟
العضو : ساعات لما بحط مواضيع مش بلاقى حد
بيرد عليا فى المشاركات غير تلاتة ولا أربعه برغم أنى بلاقى مشاهدات بهبل بجد مش
عارف ليه
شيتوس: برضو الحكاية دى مش مستاهلة زعلك
وأية يعنى !!
1 - ممكن اللى شاف موضوعك .... موضوعك معجبوش
وساعتها علشان ميزعلكش فى الرد أو ينافقك راح مردش على موضوعك
2 - ممكن وهوا بيقرا موضوعك الكهربا
تقطع .... النت يفصل أو يقفش بتحصل كتير فأكيد مش هيرد عليك
3 - ممكن يكون عنده ظرف خلاه يطر أنه يقفل وميردش على موضوعك
4 - ممكن يكون هوا ذات نفسه قافش ومش طالبه معاه قرايه مواضيع او رد
5 - ممكن تكون أنتا مش من الكتاب المفضلين ليه ... { معلش دة رأيه ووجهه نظره }
6 - ممكن متكنش بتفيده
7 - ممكن يكون قرا كتير قبل ما يدخل عند موضوعك فتعب
8 - نسخة xp تضرب
9 - ممكن العضو اللى داخل موضوعك يكون قافش كدة زى ما انتا قافش وحالف ما يرد ولا يحط مواضيع
10 - ممكن مش بيبقى مبسوط وهوا بيقرا موضوعك .. { عضو كئيب يعنى } والحمد لله معظمنا مش من النوع دة
أو ممكن تكون أنتا اللى عمال تدخل وتطلع على الموضوع لغاية لما عملت كل المشاهدات دى
خلاص يا جدع مفيش زعل
شيتوس : يلا بقى سمعنى يا شيتوس يا جااااااااااااا:,اااااااااااااا:,اااااااااااااااااا ااااااا:,ااااااااااامد علشان متغرش
وأنتوا أساسا كلكم شيتوس تمام وهوا مبسوط أنكم موجودين فى عقر داره