من طرف 
معلش اتأخرت عليكم
اليوم ده من أجمل أيام عمرى
يوم الرحلة الصبح
احنا كلنا صلينا الفجر و ابتدينا نجهز للرحلة
اتجمعنا كلنا تحت بيت تامر و الباص كان مستنينا
البانر كان مغطى كل الجنب اليمين طلعنا كلنا و اتوكلنا على الله
و احنا ماشيين واحد شاف البانر و وقف الباص
قالنا هو تامر حسنى معاكم
قلناله أيوه قال ظطيب هاطلع اسلم عليه
و سلم على تامر و قاله انت فعلا رايح غزة
قاله يارب يسهل ادعيلنا
فقاله والله ربنا يكتر من امثالك
غيرك كان هيتبرع بفلوس و خلاص ده لو اتبرع اصلا
و سألنى قاللى طب انت مش خايفة
قلتله انا معايا ربنا فى الاول و كمان رجالة زى الفل اهم
الراجل ادى لحسام 5000 جنيه
و قاله ياريت توصلهم معاك للى يحتاجهم
طلعنا على الطريق المشوار كان طويل قوى
و تامر كان لسه منامش من قبلها بيومين
كان بينام شوية و يصحى شويه
وصلنا عند أول نقطة تفتيش أول ما شافوا تامر
فرحوا بيه قوى و فضلوا يدعوله و يقولوله ربنا يقدرك على فعل الخير
الشحنه كانت سبقتنا فكل نقطة تفتيش كانو متوقعين وصولنا
وصلنا فوق كوبرى السلام و تامر قال ياه بقى رجالتنا
عبروا القناة دى كلها بالمراكب الصغيرة دى
الفاتحة ليهم يا جماعه
بعد سكة تانية طويله وصلنا العريش
قابلنا الشحنة و طلعنا على معبر رفح
كان فيه 20 دكتور هناك فضل واحد منهم يسألنى على تامر
قالى عارفة شهيرة طلعت فى التلفزيون قالت كل الفنانين مش صادقين فى دعمهم
ماعادا تامر حسنى قلتله والله ياريت كل الناس تكون صادقة
تامر مش عايز يكون مميز فى ده بالعكس نفسه الناس كلها تعمل اللى بيعمله و أكتر
الدكتور جمع زمايلة و فضل يحكيلهم تامر عمل ايه فى دبى
و التبرعات اللى جمعها و كل الحجات اللى حكيتهاله
دخلت انا و تامر معبر رفح سبقنا الشحنة
كل اللى يشوفنا يرحب بينا و يدعى لتامر والله
الشحنة حصلتنا و معاها رامى و حسام
قابلنا الهلال الاحمر و الانروا (مؤسسة غوث اللاجئين)
السلطات المصريه كانت اكتر من متعاونة بجد
أكتر من كدة بعد ما عدينا المعبر مينفعش أحكى لاسباب أمنية
بس كل اللى اقدر اقوله حسبى الله و نعم الوكيل فى اسرائيل
قابلنا واحد من حركة فتح اللى فى الصور اللى فوق
ايديه الاتنين مكسورين يا حرام و كان جى يشوف مراته وولاده
ابنه عدىٌ ياحرام كان زعلان قوى بس تامر قدر يخرجه من الحالة دى شويه
خلصنا المهمة وسلمنا الشحنة والله بتوع الهلال الاحمر عملولنا فرح
كانوا شايلينا من على الارض و ادوا لتامر جاكيت الهلال الاحمر هدية
و خرجنا من المعبر بسلام
أول ما خرجنا انا و تامر بصينا فى موبيلاتنا لقينا SMS كتير قوى منكم
على موبايلى و موبايله قالى يا نهار دول مخضوضين علينا قوى يالا نطمنهم
قلتله انا هاطمن اللى عندى و انت اللى عندك
قالى ونبى تفرحيهم احسن دول زعلانين قوى
وانا مستحملش عليهم الهوا
قلتله متقلقش دول فى عنيا
طلعنا بعد كده على مستشفى العريش
زرنا الجرحى هناك
كان فيه واحد يا حرام رجليه الاتنين اتقطعوا
تامر قاله ولا يهمك رجليك سبقتك على الجنة
كان فيه بنوته تانية مصابة بشظيه عمرها اربع ايام بس
و بنوته كمان عمرها 8 سنين مصابة برصاصة فى المخ
وفقدت عيلتها كلها و عندها اكتئاب حاد
تامر قضى معاها وقت طويل جدا
ووالله ما مشينا الا لما بسمتها اترسمت على وشها
رجعنا ليكم تانى و ربنا حفظنا بدعائكم لينا
و ربنا يقدرنا على المهمة الجاية
رفعنا علم مصر مع علم فلسطين على العربيه فى وش اسرائيل
وانشالله هييجى اليوم و نرفعه على ارض فلسطين و ندخلها كلنا
ايدينا فى اديكم انشالله
يا محمد لمرورك