ثانيا : يوجد بعض النقاط التى اغفلتم عنها ويجب ان تذكرو بها
1 / عدد المشتركين قليل جدا وهذا يعطى احساس بعدم المتعة لانه كلما زاد عدد المشتركين زادت المتعة
2 / ميمو اغنيته 1.28 دقيقة وحنين .22 ثانية فكيف استطيع الحكم على الصوتين
3 / ازاى يبقى فى سباق بين اتنين واحد راكب طيارة والتانى راكب عجلة ميمو مستخدم برنامج نقاء صوت وللأسف مقدرش يستخدمه صح حتى كلمات الاغنية مش عارفين نميزها وحنين مستخدمه برنامج عادى جدا اكيد مفيش مبدأ تكافؤ الفرص
4 / مفيش لجنة تحكيم للمسابقة فى ماتش من غير حكم هتقولى الجمهور هقولك على راسى من فوق بس من غير حكم هتبقى الدنيا متلخبطة اذن يجب تحديد حكم او مشرف وياريت يكونو اكتر من واحد للمسابقة وياريت يكون اشرف واحد منهم لانه مدير المنتدى ونفتح من جديد باب الاشتراك عشان نقدر نستقبل طلبات وناس مع ميمو وحنين ودة فى صالح المنتدى
5/ يجب على المشتركين ان يغنو اغنية تكون على الاقل دقيقتين اغنية واحدة يغنيها كل المشتركين فى المسابقة عشان نقدر نحكم صح واغنية تانية كل واحد يختارها على ذوقه من المشتركين بس لا تقل عن دقيقتين حتى نستطيع التمييز جيدا وبدون اى مؤثرات صوت صوت live من على المسجل العادى اللى فى الويندوز وياريت الاغنية اللى يشترك فيها الاعضاء كلهم تكون اغنية قديمة لان الاغانى القديمة هى اللى بتبين طبقة الصوت صح والاغنية دى نعملها تصويت على المنتدى تضع لجنة التحكيم اكثر من اغنية واعضاء المنتدى يختاروها واكتر تصويت لاغنية هى اللى هيغنوها المشتركين كل واحد يغنيها ويبعتها للمسابقة بس نفس المقطع والاغنية التانية من اختيار المشتركين فى المسابقة
6 / نصيحة لميمو فى مثل بيقول الشئ لما يزيد عن حده يتقلب ضده يعنى المؤثرات والافكت ليهم حدود لو زادو عن حدودهم بيبوظو الشكل العام للاغنية والصوت كمان زى الملح والسكر لازم يتحطو مظبوط بدون زيادة لان لو الملح او السكر زاد عن معدله الطبيعى فى الاكل محدش هيكله ياريت تغنى بدون برامج حتى نقدر نحكم عليك كويس
7 / حنين صوتك محتاج تدريب ادربى كويس وحاولى تحسنية وان شاء الله نسمع صوت كويس منك احسن من دة مائة مرة
8 / ياريت محدش يزعل منى انا بكلم فى الصالح العام للمنتدى
9 / ياريت نتناقش كلنا فى الموضوع واللى شايف شروط او اى حاجة الموضوع محتاجها يكتب اقترحاته
مستنى اقتراحاتكم وارائكم