اعزائي, اعضاء احلى منتدى ,
يسرني ان اقدم لكم تحفه فنيه رائعه, حازت على افضل نقد , و افضل تقييم من متابعي السينما
الفيلم الاسبانيpan's labyrinth
يدمج الواقع بالخيال, من انتاج 2006 ,,,
الفيلم وضعته في المنتدى على شكل ملف تورنت , حيث يمكنكم تحميله بكل راحه , بدون ان تحملوا هم انقطاع النت ..
الفلم مترجم للغة الانجليزيه , بحجم 700 ميغا تقريبا , و بجودة دي في دي
اليكم صور من الفلم
احد الاراء بشأن الفيلم قال:
واحد من اروع الافلام اللي شفتها O_O
واللي ماظن راح اشوف مثله لوقت طويل .. فيلم يأسر القلب من اول مشهد لاخر مشهد
الجانب الفنتازي ممتع والجانب الدرامي يأسـر المشاعر
وطريقة تنفيذ المخرج لبعض المشاهد اذهلتني ووقفت شعر راسي
حبيت الدمج بين الدراما والفنتازيا
الجو اللي اخلقه المخرج بالفعل مب طبيعي .. وماتذكر اني شفت شي يشبه من قبل !!
قصة الفيلم وايد حلوه وفيها معاني انسانيه عميقه
يبدأ الفيلم بأثناء حرب موحشه .. حيث القتل والدمار والتشرد وسفك الدماء ..
بوسط هالمعمعه نشوف بنت صغيره اسمها اوفيليا
عايشه على امل انها بيوم من الايام ترجع لعالمها الحقيقي .. عالم تكون فيه اميره خالده وتحكم فيه العالم
مابين هالحرب القاسيه والحلم الطفولي ينقلنا المخرج بحرفيه تثير الاعجاب من قلب O_O
مشاهد كثيره وقفت عندها وتأملت فيها
ومن بينهم المشهد الختامي للفيلم .. ابداع مابعده ابداع .. ياترى هل احنا من الناس اللي شفنا اثر هالاميره !
ولا ينقصنا الكثير عشان نشوفه !
وفي وايد مختلفين على نهاية الفيلم .. انا من رايي انه كل اللي مرت فيه كان مجرد حلم
وحلم وردي حلو ظلت متمسكه فيه لاخره نفس بحياتها ..
حتى بأثناء سكرة الموت احلمت بالنهايه السعيده اللي كانت تنتظرها
الفيلم يتطرق لأمور فلسفيه كثيره
اهمها قضية الموت والخلود .. وهذا يمكن اللي خلاه فيلم مهم ويستحق اشادة النقاد
لانه تطرق لهالقضيه بعمق وبطريقه ماتمس اللي ورد بالكتب السماويه بسوء ..
والله صدقوني مابالغ بس الفيلم فتح شهيتي للافلام الاوروبيه .. يمكن حتى اكثر حتى من فيلم ايميلي D =
على العموم انا للحين محتار .. شلون ماتت امها ؟
لاني مؤمن بأن اللي مرت فيه كان مجرد حلم فهل موتها كان مجرد صدفه ؟ ام لانه روح البنت شفافه
فحست أن امها راح تموت بهاللحظه
وعقلها الباطني ترجم هالشي وربطها بفكرة النبته \ =
على العموم الفيلم تجربه مذهله بكـــل معنى الكلمه .. التصوير ابداع وكل مشهد لوحه لـحاله !
والموسيقى رهيبه
وتاخذ المشاهد معاها لعالم ثاني من اول لحظه لاخر لحظه
ومانسى الاداء الرائع للكابتن فيدال .. والطفله اوفيليا D = .. وتصميم الوحش المذهـــل اللي عيونه بيده O_o
فيلم رائع وساحر 3>
انصح اللي ماشافه يشوفه بسرعه عشان يستمتع بجمال السينما الاوروبيه
واسمحولي هذرت وايد +__+ لول .. بس من زود التأثر والله !
عدل سابقا من قبل sweety1983 في الخميس 16 أكتوبر 2008 - 21:08 عدل 2 مرات